ҚЗ  /  РУ  /  EN
     
27 мая 2019

Соңғы қоңырау – сәт сапар болашаққа!

   Бүгін, міне, қызығы мен қиыншылығы мол, қайталанбас тарихы бар оқу жылының қуанышты мерекесі, оқушыларды сыныптан сыныпқа көшіріп, алақайлап жазғы демалысқа шығарып салатын – соңғы қоңырау салтанатты мерекесі басталды.

Жас жүректің өмірлік құштары – гүл
Бағбан – ұстаз, баулыған құстар – бұлбұл,
Қоштасып бүгінгі күн ұясынан,
Түлектердің бір тобы ұшқалы тұр!



   Бұл күн – «Арыстан» мамандандырылған лицейін бітіруші түлектер есінде мәңгі өшпесі анық. Бұл күн кәмелеттік жасқа толған лицеистерге әскери жұмылдыруды дайындау, жүргізу, Қарулы Күштердің мүдделеріне сәйкес жастарды әскери қызметке даярлау, әскери қызметке шақыруды ұйымдастыратын Талғар әскери комиссариатынан арнайы өкілдер келіп, арнайы куәліктерін тапсыруларымен де ерекше есте қалды.
Далее...
   «Нұрсұлтан Назарбаевтың Білім беру қоры» Қоғамдық Қорының филиалы «Арыстан» мамандандырылған лицейін 2018-2019 оқу жылында 80 лицеист абыроймен бітіргелі отыр. 80 жүрекке ақ жол тілеп, әкелік батасын берген Лицей бастығы педагогика ғылымдарының докторы, профессор, запастағы генерал-майор Сәбит Сәуменұлы Тауланов лицеистердің осы оқу жылында қол жеткізген жетістіктеріне тоқтала келіп, алдағы мемлекеттік емтихандар мен бірыңғай ұлттық тестілеуден жоғары ұпай жинап, әскери мамандықтың шыңына шығуларына, армандарына жетулеріне тілектестігін білдірді. Биылғы бітіруші түлектерге «Алдыңғы толқын – ағалар» демекші, өздеріне дейін лицей абыройын асқақтатқан, қазірде әлемнің түкпір-түкпірінде әскери оқу орындарының курсанттары атанып, алды Қазақстан Қарулы күштерінің қатарында қызмет атқарып жүрген ағаларынан үлгі алуға шақырды. Мұғалімдер атынан сөйлеген Қуаныш Тоғызбаев мырза да, ата-аналар комитетінің өкілдері де лицеистерге зор денсаулық пен табыс тілеп, ҰБТ-дан жоғары нәтижеге жетулеріне сенім артып, ата-аналарының үмітін ақтап, Отан қорғау парыздарын абыроймен өтеулеріне шын жүректен ақ тілектерін білдірді. Соңғы қоңырау салтанатты мерекесінде Лицей хоры, әншілер тобы мен бишілер тобы өз репертуарларынан тамаша ән мен биден шашу шашты. Жігерге толы әндер мен әдемі билер жиылған қауымды ерекше қуанышқа бөлеп, салтанаттың мерейін асыра түсті. Оқу-әдістемелік координаторы Альфия Камильевна да әнші Олеся Трубачевамен бірлесе әдемі әнімен лицеистерге ән шашу жасады. Соңғы қоңырау мерекесіне орай лицеистер сап түзеп, барабанның сүйемелдеуімен әскери марш орындады. Лицей Туын салтанатты түрде оқу үздіктері Бекжан Серикқазин мен Хабдулла Есенов келесі жылдың оқу үздіктері Бекмұқаш Әлібек пен Алпысбай Шоқанға табыстады. Құрметті күзет қарауылының орындауында әскери саптық әдіс-тәсілдер орындалды. Салтанатты мерекелік кештің соңында лицеистер соңғы қоңырауды сыңғырлата соғып, білім мен тәрбие берген ұстаздар қауымына алғыстары ретінде құшақ-құшақ шоқ гүлдерді тапсырды.

Қоштасады алтын ұя мектебің,
Маңдайыңнан сипап өтсін көктен күн!
«Сәт сапар!» – деп қол бұлғайық бәріміз,

   Тілейік біз армандарға жеткенін!– деп, Соңғы қоңырауға арналған салтанатты жиын ерекше қимастықпен жабылды. Соңғы қоңырау үні түлектеріміздің есінде мәңгі қалары анық, бұл – алтын ұя – лицеймен қоштасу деген сөз, болашаққа сәт сапар дегенді білдіреді.
   Құрметті бітіруші түлектер! Соңғы қоңырау үні балалықпен қоштасу үніндей есте қалсын! ҰБТ –дан жоғары ұпай жинаңдар! Әрқашан жолдарың ашық, өмір сапарларың сәтті болып, жарқын болашақтың жасампаз күшіне айналып, аңсаған армандарыңа жетіңдер!


Қазақ тілі мен әдебиеті пәндерінің мұғалімі Жанар Өміржанова
 14 июня 2019
   12 июня 2019 года в Специализированном лицее «Арыстан», современном образовательном комплексе, созданном в 2011 году под эгидой Общественного фонда Нурсултана Назарбаева, состоялись праздничные мероприятия...
 29 мая 2019
 Филиал Общественного фонда «Фонд образования Нурсултана Назарбаева» Специализированный лицей «Арыстан» завершил работу второго этапа отбора лицеистов в 2019 году.  05 августа 2019 года к 8-00 часам...
 27 апреля 2019
   27 апреля 2019 года состоялось празднование Дня Специализированного лицея «Арыстан» и торжественный ритуал принятия Клятвы лицеистами 9-х классов. Далее...    Празднование Дня Лицея берет свое начало...
 18 апреля 2019
   Ұлыстың ұлы мейрамының ұлт тарихынан алатын орны ерекше. Наурыздың сәні болған қазақтың салт-дәстүрін, әдет-ғұрыптарын паш ету, дәріптеу, ұрпаққа үлгі ету мен Наурызды ұлықтау арқылы ұлттық дәстүрімізді...
 6 марта 2019
   Одним из ярких примеров беззаветного служения Родине стала для учащихся Лицея «Арыстан» встреча с ветераном Великой Отечественной войны, ветераном Вооруженных Сил Республики Казахстан, членом Ассамблеи...
 23 февраля 2019
   В своем Послании народу Казахстана Лидер нации призвал общество «вооружиться вечными качествами – усердием, трудолюбием и целеустремленностью, которые помогут нам устоять и принести нашей Родине достойное...