Мұрат Жәлелұлы Майкеев 1959 жылы 9 қарашада, Ақтөбе қаласы, Ақтөбе облысында дүниеге келді, ұлты - қазақ.
   1966-1976 жылы Жамбыл облысының Гвардейск поселкесінде №1 орта мектебін бітірді. Алматы жоғары жалпы әскери командалық училищесін (1980); М.В. Фрунзе атындағы Әскери академияны (1994) бітірген. Қызметін мотоатқыштар полкі мотоатқыштар взводының командирі болып бастаған. 1983 жылдан - мотоатқыштар ротасының командирі. 1987-1991 жылдары - мотоатқыштар батальоны штабының бастығы - командирдің орынбасары, командирі. 1994 жылдан - ҚР Республикалық гвардиясының батальон командирі, бригада командирінің орынбасары, полк командирі. 1998 жылдан - мотоатқыштар дивизиясы командирінің орынбасары, командирі. 2000 жылдан - ҚР ҚМ Тәрбиелік және әлеуметтік-құқық жұмыс департаментінің бастығы. 2003 жылдан - Аэромобиль әскерлерінің қолбасшысы. 2009-2010 - ҚМ Штаб бастықтары комитеті төрағасының орынбасары; 2010-2016 - ҚР ҚК Құрлық әскерлерінің бас қолбасшысы; 2016-2019 - Қазақстан Республикасы Қорғаныс министрінің бірінші орынбасары – Қазақстан Республикасы Қарулы Күштері Бас штабының бастығы.

3-дәрежелі «КСРО Қарулы Күштеріндегі Отанға сіңірген еңбегі үшін», 2-дәрежелі «Айбын» (2001), 2-дәрежелі «Даңқ» (2012) ордендерімен марапатталған.

2022 жылдың қазан айынан бастап "NNEF" қоғамдық қорының филиалы "Арыстан" мамандандырылған лицейінің бастығы.